இனி வாட்ஸ் ஆப் மூலம் சமையல் எரிவாயு சிலிண்டர் Book பண்ணலாம்

எரிபொருள் துறையில் நாட்டிலேயே இரண்டாவது மிகப்பெரிய நிறுவனமாக பாரத் பெட்ரோலியம் கார்ப்பரேஷன், வாட்ஸ் ஆப் எண் மூலம் சிலிண்டர் புக் செய்யும் முறை நாடு முழுவதும் அறிமுகப்படுத்தியுள்ளது.

எத்தனையோ சிறப்பம்சங்களும், தொழில்நுட்பங்களும்

இத்தனை நாளாக சிலிண்டர் ஆர்டர் செய்ய வேண்டுமானால் போன் செய்தே முன்பதிவு செய்யவேண்டும். ஆனால் டிஜிட்டல் இந்தியாவில் எத்தனையோ சிறப்பம்சங்களும், தொழில்நுட்பங்களும் வளர்ந்துக் கொண்டே வருகிறது. அதன்படி தற்போது நவீன முறையில் சிலிண்டர் ஆர்டர் செய்யலாம் என அறிவிக்கப்பட்டுள்ளது.


இரண்டாவது மிகப்பெரிய நிறுவனமாக பாரத் பெட்ரோலியம் கார்ப்பரேஷன்

எரிபொருள் துறையில் நாட்டிலேயே இரண்டாவது மிகப்பெரிய நிறுவனமாக பாரத் பெட்ரோலியம் கார்ப்பரேஷன் விளங்குகிறது. இந்த நிறுவனம் தற்போது தங்களது வாடிக்கையாளர்களுக்கு புது வித சிலிண்டெர் புக்கிங் முறையை அறிமுகப்படுத்தியுள்ளது. இந்த நிறுவனம் அறிவிப்பானது நாடுமுழுவதும் நடைமுறைப்படுத்தப்படும் என தெரிவித்துள்ளது

இனி வாட்ஸ் ஆப் மூலம் சமையல் எரிவாயு சிலிண்டர்

கடந்த சில தினங்களுக்கு முன்பு இனி வாட்ஸ் ஆப் மூலம் சமையல் எரிவாயு சிலிண்டர் முன்பதிவு செய்யும் வசதியை இந்தியன் ஆயில் நிறுவனம் அறிமுகப்படுத்தியுள்ளது. இதுதொடர்பாக தமிழகம் மற்றும் புதுச்சேரி நிர்வாக இயக்குநர் பி.ஜெயதேவன், சென்னையில் செய்தியாளர்களை சந்தித்து பேசினார்.

75888 88824 என்ற எண்ணில் வாட்ஸ்-ஆப்

75888 88824 என்ற எண்ணில் வாட்ஸ்-அப் மூலம் சமையல் எரிவாயு சிலிண்டர் முன்பதிவு செய்யலாம். 7588888824 என்ற எண்ணுக்கு வாட்ஸ்அப் மூலம் REFILL என்று அனுப்பி சிலிண்டரை முன்பதிவு செய்யலாம் என நிறுவனம் சார்பில் அறிவிக்கப்பட்டது.

குறுஞ்செய்தி மூலம் ஒரு லிங்க்


குறுஞ்செய்தி மூலம் ஒரு லிங்க் சிலிண்டர் வினியோகம் செய்த உடன் சரியான கட்டணம் வசூலிக்கப்பட்டு உள்ளதா? சரியான எடையில் சிலிண்டர்கள் வினியோகிக்கப்பட்டு உள்ளதா? சிலிண்டர்களில் சீல் மற்றும் கசிவுகள் குறித்து வினியோகஸ்தர்கள் தரப்பில் இருந்து சரியான முறையில் சேவை அளிக்கப்படுகிறதா? என்று வாடிக்கையாளர்களின் கருத்தை அறிவதற்காக அவர்களுக்கு குறுஞ்செய்தி மூலம் ஒரு லிங்க்கை இந்தியன் ஆயில் நிறுவனம் அனுப்புகிறது. அதில் வாடிக்கையாளர்கள் தங்களது கருத்தை பதிவு செய்து கொள்ளலாம் என தெரிவிக்கப்பட்டது.

பாரத் பெட்ரோலியம் நிறுவனம்

இந்த நிலையில் பாரத் பெட்ரோலியம் நிறுவனமும் அதேபோல் சிலிண்டர்களை வாட்ஸ் ஆப் மூலம் முன்பதிவு செய்யலாம் என நிறுவனம் தெரிவித்துள்ளது. இந்த அறிமுகமானது மே 26 ஆம் தேதிமுதல் நாடு முழுவதும் நடைமுறைக்கு வர உள்ளது.

1800224344 என்ற வாட்ஸ் ஆப் எண்

1800224344., இந்த வாட்ஸ் ஆப் எண்ணின் மூலம் சிலிண்டர் புக் செய்யலாம். புக்கிங் செய்த பிறகு அதை உறுதிப்படுத்தும் விதமாக வாட்ஸ் ஆப் எண்ணிற்கு ஒரு குறுஞ்செய்தி ஒன்று வரும். அதேபோல் அதிலேயே சிலிண்டருக்கான கட்டணத்தை செலுத்த டெபிட்கார்டு, கிரெடிட் கார்டு, யூபிஐ போன்ற டிஜிட்டல் பரிவர்த்தனை கட்டண முறை காண்பிக்கப்படும் என தெரிவிக்கப்பட்டுள்ளது.

சிலிண்டர் ட்ராக்கிங் செய்வதற்கான் அம்சம்

அதுமட்டுமின்றி வாடிக்கையாளர்களின் கருத்துகளை கேட்கவும் சிலிண்டர் ட்ராக்கிங் செய்வதற்கான் பல்வேறு அம்சங்களும் இதில் உள்ளது. இதில் குறிப்பிடத்தகுந்த விஷயம் என்னவென்றால் முன்னதாக நடைமுறையில் இருந்து இணையதள சேவை, மிஸ்டு கால் எண் போன்றவைகளும் நடைமுறையில் இருக்கும் எனவும் கூடுதல் வசதியாக வாட்ஸ் ஆப் புக்கிங் சேவை அறிமுகப்படுத்தப்பட்டுள்ளது.